開心嘅時刻真係一浪接一浪，唔好比佢停喇，即刻請出代表好JOHN網嘅第四位選手，有請...
陳雅倫，芳齡42歲。1985年參加新秀歌唱大賽，其後加入TVB，無代表作。之後主力於電影圈發展，代表作有《風塵三女俠》、《我愛一碌葛》，主演角色大部份時間負責扮演曾智偉嘅情婦、或者同樊亦敏爭仔等等。
音樂方面，Ellen1994年簽Sony唱片，並且一年之內推出兩張唱片，成績最理想的，莫過於大家耳熟能詳嘅主打歌《隨便坐》！
至於今次Ellen要為大家送上嘅歌曲，係《貪多個夜晚》大碟嘅第二Plug《貪多個夜晚》。而家麻煩Ellen過去準備吓先...
唔該晒Ellen...值得一提嘅係，呢首歌係改編自宮澤里惠嘅《赤之花》大家不妨比較吓陳雅倫有幾多分似宮澤里惠呢...好喇，聽完Ellen嘅演出，大家有冇"偷偷裏想貪"吓咁呢？有嘅話，就請投我哋好John網一票啦！不過唔好唔記得轉一轉台睇吓OGAKE有乜嘢睇先喎！
7 則留言:
你既歌 DISPLAY 唔到喎~
不過咁, 我係陳小姐既 FANS, 有齊佢既唱片, 所以一定投佢一票.
呢首歌係佢張唱片未係最西, 但係都令人回味.
好，西，一票
GL: 有齊佢既唱片... 都係兩只之嘛!!! ^_^"
NRT: 好，謝，一吻...!
忙到唔記得要投票，希望星期日唔會...
想問＜隨便坐＞同＜貪多個夜晚＞係咪同一隻碟？兩首都係周禮茂？
wbs: 唔好意思, 我部SCANNER勁弱, SCAN唔到啲字, 所以一直都冇歌詞比大家... 但係你嘅估計係仲嘅, 係周禮茂作嘅詞, 通常都會兩隻歌連續一齊, 而且聽完會好開心嫁!
^_^
陳雅倫既唱功都唔算恐怖,只不過無乜技巧囉!!但係張燊悅一開口唱,我就好打x佢!!
至於周影,其實唱片公司已經花左心思係形象上幫佢,可惜執極都係唔討好!!但係佢果首"情路芒芒",曾經係好多係karaoke必唱既歌黎架!
alex: 陳雅偷勝在好「玩」囉... 張燊悅就真係好想搵次打鑊佢...!
至於"情路忙忙"喇喎... 直頭係我至愛怨西金曲喇!!!
張貼留言