明知春天，是匆匆會逝去，似水逝去

4:00am， 突然一個人醒起來，心寒了一寒，好像突然想起了一些未做事情，但又想不起。

在電腦面前坐了一會，又突然想起，播了這首歌。

《不信愛有罪》



就算有過多少回憶，人還是要走了。是的，我不是在造夢，她已經在五年前走了‧‧‧

聽聽OGAKE今天又在聽哪首歌？

吃過最好吃的蘋果

但是太大了, 一次過真的吃不了, 丟掉又有點浪費, 點搞???

西歌鬥一餐‧第八回

嘩嘩嘩! 上一回出動到楊千嬅, 都打唔低黃敏華... 無辦法! 鬼叫人哋係老牌西歌歌后咩? 始終差一皮, 唯有認輸!

好, 為咗力挽狂瀾, 我哋好John網派出第八回西歌鬥一餐嘅歌手係佢:




係喇, 我哋今次同大家見面嘅係呢位久違咗嘅亞視一姐甄楚倩, 唔該比啲掌聲歡迎佢吖!
至於今次Yolinda要同大家演唱嘅係收錄喺《乖乖》大碟嘅"乖乖", 不過我只係得佢嘅新曲+精選...




睇吓佢啲artwork幾靚..........

好喇, 唔阻大家聽歌喇..........




又或者




聽講, 呢隻歌係同一種零食"乖乖"有關嘅, 唔知大家細個有冇食過"乖乖"呢隻零食呢?

睇吓OGAKE今次又請大家食乜嘢?

西歌鬥一餐‧第七回

嘩，上一個嘅西歌鬥一餐又打和!!! 真係好激烈喎!!! 經過六回大戰，戰果竟然只係2:2... 好，既然係咁嘅話，我睇嚟都要派出一姐出場喇。Spotlight唔該。

。。。

。。。

。。。

。。。

。。。


嘩！唔係呀fa？千FA都咁比面參與我哋嘅《西歌鬥一餐》？冇錯！代表好John網第七個出場嘅就係東亞一姐楊千FA，佢仲帶埋兩位後輩出場。我哋不如而家請埋佢哋出嚟先吖。。。


（上面嗰位，大家冇認錯，係，佢係李彩樺，而下面嗰位叫方皓玟，我自問就唔係好識喇...）
而今次千FA同兩位小師妹所演出嘅歌，就係收錄喺《百威真音樂群星卡拉OK精選vol.2》嘅"What We Want"。

作曲：伍樂城　作詞：黃偉文
幾時嬲你估我唔到　嬲乜野你估我唔到
我就係嬲你估我唔到　你估我唔到　你對我唔好
白金卡你估我冇呀　恨錢不如嫁個有錢佬啦
開估啦好冇　我只係想知道你對我有幾好
其實我唔愛你駛乜你買　我自己俾錢買
而係有時鮮花鑽戒要我憑自己錢買
又點樣夠男友送high

其實你點會知 What we want
無論點去估 You just wrong
其實女仔要呵 That's we want
無論我扼你幾多次要上當

想要乜你就算估到　幾時要你估我唔到
如果有日乜到估到　你仲會唔會對我咁好
其實有時你乜都唔駛做　過黎俾我抱一抱
我愛你若果老套　喂　諗個方法俾我知道
唔係我習慣要司機送我　地鐵巴士都坐
而係半夜三更咁遠你叫我自己一個
又駛乜再同你拍拖
其實你點會知 What we want
無論點去估 You just wrong
其實女仔要呵 That's we want
無論我扼你幾多次要上當

你話幾好有幾好　你講下就好
拍拖買新衫去餐廳　最好你後數
就自跳火圈接飛刀　你都要做到
你講到幾好有幾好　我點至知你對我好　夠晒好

其實你點會知 What we want
無論點去估 You just wrong
其實女仔要呵 That's we want
無論我扼你幾多次要上當
其實我想講你知 What we want
煩著你講到聽得到你鼻鼾
其實女仔要呵 That's we want
成日都有需要都算幾正當


咁唔知大家又知唔知你身邊嘅另一半what we want呢? 不如睇吓OGAKE又想點?

西歌鬥一餐‧第六回

上一回票數3:2，又追多局！嬴得好險！真係要多謝各位選民支持，令到西界新人張燊悅可以打敗一代西歌票后梁雁玲！SASA儂！
今個星期，我哋好JOHN網亦不敢怠慢，決定派出資深西歌歌手出戰第五回西歌鬥一餐全民直選。佢就係...

............
點呀? 大家記唔記得佢係邊個? 唔記得係正常嘅! 話說呢位女仕叫周影，英文名Shadow Chow。相傳佢係寶記為咗追擊梁雁玲而推出嚟嘅歌手，但係真係好難想像點解連梁雁玲都要追擊...
咁的而且確，佢啲唔咸唔淡嘅廣東話，姣姣西西嘅曲詞，又真係同梁小姐啲歌路有幾分相似。好，我哋好JOHN網為咗追擊OGAKE嘅《你哥我哥》，一於推出Shadow Chow嘅勁歌 - 《野性呼聲》

《野性呼聲》係收錄喺呢隻《還仍然想我嗎?》(1991)大碟入面，改編日文歌，作詞周禮茂。值得留意嘅係，佢中間一段獨白，大家一定要等到佢開聲講嘢先好關掉你的電腦呀!!!

聽完歌大家冷唔冷靜到呢? 聽埋OGAKE啲西嘢記得盡你哋嘅公民責任投我票喇!!!WHY, WHY, WHY, yeah, WHY!!!

西歌鬥一餐‧第五回

不經不覺，西歌鬥一餐已經去到第五個星期，上一回打咗個和，唔知今回又有啲咩西嘢同大家見面呢?
好，等我哋快啲介紹吓代表好JOHN嘅西歌歌手出場，佢就係...

掌聲唔該!!!

張燊悅，唔駛我多介紹，大家都知佢係乜水，而印象中，佢好似出過三隻碟咁大把，包括《一不小心》、《再不小心》同《ANGEL OF MERCY》。不如喺張小姐同大家表演之前，我哋一齊睇吓佢啲碟有啲咩歌先吖..

一不小心(AVEP) (2001)

01. 一不小心(I Can't Close My Eyes)

02. 怎暴露

03. 衣不稱身

04. 風繼續吹

05. 一不小心(Acoustic Version)

06. 怎暴露(BJ Murphy Club Mix)

再不小心(AVEP) (2001)

01. 上帝愛我

02. 嗚呼愛災

03. 一不小心

04. 怎暴露

05. 衣不稱身

06. 風繼續吹

07. 一不小心(Acoustic Version)

08. 怎暴露(BJ Murphy Club Mix)

Angel of Mercy (2002)

01. Angel of Mercy

02. 你的美少女戰士

03. 月光光照臉龐

04. 神探

05. 明知故犯–余文樂合唱

06. 委曲求存

07. 你算愛我

08. 老人院–臨記合唱

09. 上帝愛我

10. 一不小心

11. 衣不稱身

12. 嗚呼哀哉（Remix）

大家覺得有啲咩唔對路呢? 冇錯吖，喺張小姐推出過嘅呢三大隻碟入面，來來去去，其實都係收錄緊嗰幾隻歌嘅啫，其中，「一不小心」出現嘅次數，連埋REMIX，總共有5次之多！

而今次我哋送比大家嘅，就係呢一隻張燊悅嘅呢隻唱作歌曲「一不小心」，我哋有請...ER，但係提提大家，由於時間關係，大可以喺聽完第一句歌之後立即關機，然後投票，以免浪費大家太多時間...


點呢，有冇"一不小心著了火"呢大家?即管聽埋OGAKE有咩符FIT先投我一票啦！

西歌鬥一餐‧第四回

先恭喜何佳麗替好JOHN網成功勝出第三回嘅西歌鬥一餐，請鼓掌...
開心嘅時刻真係一浪接一浪，唔好比佢停喇，即刻請出代表好JOHN網嘅第四位選手，有請...



陳雅倫，芳齡42歲。1985年參加新秀歌唱大賽，其後加入TVB，無代表作。之後主力於電影圈發展，代表作有《風塵三女俠》、《我愛一碌葛》，主演角色大部份時間負責扮演曾智偉嘅情婦、或者同樊亦敏爭仔等等。
音樂方面，Ellen1994年簽Sony唱片，並且一年之內推出兩張唱片，成績最理想的，莫過於大家耳熟能詳嘅主打歌《隨便坐》！


至於今次Ellen要為大家送上嘅歌曲，係《貪多個夜晚》大碟嘅第二Plug《貪多個夜晚》。而家麻煩Ellen過去準備吓先...



唔該晒Ellen...值得一提嘅係，呢首歌係改編自宮澤里惠嘅《赤之花》大家不妨比較吓陳雅倫有幾多分似宮澤里惠呢...好喇，聽完Ellen嘅演出，大家有冇"偷偷裏想貪"吓咁呢？有嘅話，就請投我哋好John網一票啦！不過唔好唔記得轉一轉台睇吓OGAKE有乜嘢睇先喎！

西歌鬥一餐(番外篇) 之 歌仔估一餐

「內心苦苦交戰，全明白我再不應跟你見面...」

~ 提示：答案就係我而家嘅心情...

"HAI.........."

答案 -

西歌鬥一餐‧第三回

繼上周86港姐亞軍大戰87港姐亞軍，激起一場風波之後，好JOHN網今回決定再接再厲，繼續派出香港小姐佳麗代表 - 佢就係...



請鼓掌！！！...
何婉盈乃係1991年度香港小姐競選佳麗之一，總決賽當晚仲順利殺入最後五強，可惜最後都係空手而回。Elaine賽後主要於無線主持無聊音樂節目，同年簽約華納，1992年以清純形象推出同名處女大碟《何婉盈》。1994年話咁快已經退出樂壇，跟住走咗去大學讀法律，而家香港電台普通話台久唔久都會播吓佢隻《再見亦是朋友》...

何佳麗今晚要為大家演唱嘅歌曲係《暗戀他》。咁到底呢位清純玉女西唔西得起呢？好JOHN今次派佢出嚟鬥西又成唔成功呢？聽下至知！

話說90年代初，好多流行曲都會做劇場版，但我懷疑有時唱片監製可能發覺某啲歌真係太過悶(and/or)難聽，是但加幾句對白希望救一救首歌。而何婉盈呢首《暗戀他》，照計都係咁樣...


上一回意外得到最西進步獎，唔知今回有冇機會嬴番一局呢？(咩呀？！唔西咩？我覺得好西嫁喇喎，睇吓OGAKE係咪真係西過我咁多先講啦...哼！)

西歌鬥一餐‧第二回

上一回因為plug錯歌，累到朱茵姐姐慘變朱零零！
今次唯有換上老將出場‧‧‧有請



無錯，佢就係1986年度香港小姐亞軍及才華小姐佳麗 - 吳婉芳 May Ng。大家應該對佢仲有少少印象吧。
吳婉芳攞咗港姐亞軍之後，娛樂圈發展不過不失，直至90年代初，人人只要有把聲就可以出到碟嘅年頭，開始喺音樂方面嘅發展，仲好似得過唔知邊年tvb新歌手獎第唔知第二定第三名。佢仲總共佢過三隻廣東碟加一隻國語碟嫁。

而今日佢要唱嘅歌曲，就係收錄喺佢第三張廣東大碟《煙花雪》嘅歌 - 「冷冷夏日長」。(大家唔好搞錯，唔係鄒靜嘅「我愛下入長」) 希望大家今年可以過一個冷冷夏日啦。

夠唔夠消暑？唔夠嘅話亦可以睇西片MTV，有排舞嫁，睇吓有冇LILILI嘅美的冷氣廣告咁有效... ?

"你這不懂偷懶的小機器，圍著這火燒的我..." 係咪即刻暑氣盡消呢... 有嘅話快啲投我一票啦。
快啲睇吓OGAKE又用咩歌嚟同大家過呢個炎炎夏日啦！

西歌鬥一餐‧第一回

代表好John網的參賽的第一位「西歌鬥一餐」選手，係佢

‧‧‧

無錯，佢就係《強姦2之制服誘惑》嘅女主角朱茵姐姐喇，請鼓掌。

當然，朱茵姐姐除咗以上呢套經典代表作，主演嘅電影佳作仲有《生人物近之問米》、《一屋哨牙鬼》，以及同星爺合演嘅《西遊記大結局之仙履奇緣》等等！

大家想唔想重溫一下電影入面"愛你一萬年"嘅經典場面呢？


-_-; 睇到我都眼濕濕...

至於朱茵姐姐喺音樂方面嘅發展又點呢？自1997年推出首張個人EP之後，佢先後推出7張個人專輯。而除咗個人專輯之外，朱茵仲同其他歌影雙棲嘅女紅星一樣，為自己主演嘅電影灌錄主題曲，好似《西遊記大結局之仙履奇緣》嘅插曲《追夢》都係由朱茵姐姐主唱嫁。

但係朱茵姐姐今日要表演嘅歌曲並唔係呢首，而係佢1997年初出道嘅時候(?!)灌錄嘅經典作品 -《某種感覺》。

首先要道歉嘅係，歌詞紙喺唔知去咗邊嘅。另外，我亦都諗唔起首歌嘅原唱者係邊個‧‧‧各位聽眾如果知道嘅請提供。謝謝。
喺聽歌之前提提大家，請聽到佢唱埋最尾嗰句"我喜...歡...你"先好關機，因為真係唱得好有感情嫁！

作曲﹕于冠華
作詞﹕周淑屏
編曲﹕倪方來

某個鬧市 某一街角
記掛那次 那雨聲
遠遠望見 那一張臉
雨傘下你 帶笑回望
那天 街中跟你偶遇
那天開始一個故事
那天 轉身跟你對望
凝望你暖暖眼光
每天 真心想你快樂
每天 都想跟你再遇
望你 講心中那句話
我喜歡你
某次遇上 某種感覺
最愛聽到 那雨聲
那次望你 那種感覺
記掛著你 帶笑眼光...

查實聽聽下都幾好聽吖，阿OGAKE呀，我地可唔可以改為「"好好聽"歌鬥一餐」呢...照常理應該OGAKE會sure win嫁喇，希望我啲鐵票可以保住我一兩席啦！

奧運有「排」睇

各位波友，4年一度的奧運排球又嚟喇！以下是重要賽事時間表，大家記得準時捕住個電視機睇直播，順便幫我錄埋喇喎，因為我屋企仲未有"膠清電視芝"呀...

9/8 (SAT) 10:00am Women 意大利 VS RUSSIA(!!!)
- 俄羅斯陣中四支超級大炮，支支都咁勁，到底首發出場有邊三支會打正選呢?! 熱切期待ing


10/8(SUN) 12:00pm Men 意大利VS日本(!!!!!)
- 點解呢場波會比上一場波仲多兩個(!)嘅呢? 因為意大利VS日本呢場比賽，正正係兩個月前，奧運資格賽嘅翻版。上次比賽，"我哋"日本隊差一球就可以砌底意大利呢隊歐洲一級球隊；到底今次，"我哋"能唔能夠改寫呢個歷史，報卻一戰仇呢!!!?? 學阿雷Sir話齋: 「呢場波好關鍵」呀!

加油呀，日本隊!!!

10/8(SUN) 8:00pm Men 中國VS保加利亞
- 冇(!)因為冇打算睇，不過至在提提大家，星期日當晚報咗名打波嘅隊友，唔好睇到唔知時間出門口呀，知冇?

其他重要賽事包括 -
11/8(MON) 12:30pm Women 美國VS古巴
11/8(MON) 2:30pm Women 巴西VS俄羅斯
12/8(TUE) 8:00pm Men 中國VS委內瑞拉
12/8(TUE) 10:00pm Men 日本VS保加利亞
13/8(WED) 8:00pm Women 中國VS古巴
14/8(THU) 8:00pm Men 中國VS日本
15/8(FRI) 8:00pm Women 中國VS美國

好喇，又到咗賽果預測嘅時間喇。
女排方面，B組應該唔會有太多驚喜，俄、意、巴西、塞應該會順利出線。A組就好難講，因為呢美國、日本同古巴呢幾隊海鮮波喺度，隨時有意外賽果...
男排方面，中國同"我哋"日本隊都有一半機會可以以小組第四名出線嘅。但就算出到線，人哋隊隊都咁強，我哋都應該八強止步嫁喇... 我都不寄以厚望...

我來自電視機

唔係想講我份工，而係見到MIHO的網誌刊登了他於香港小姐選擇出場的片段，令我突然想起自己於電視銀幕上亮相的機會，也總共有三次之多。

第一次，係喺大學校院裡面，比一個路過嘅電視台記者"扑咪"，佢問我畢業之後想搵咩工，我答了幾句廢話之後，得到在當晚新聞報道出鏡9秒之多！

第二次，係某天放工喺街上面，被另一個路過嘅電視台記者"扑咪"(唔明啲記者點解咁中意扑我咪)，問我總共拖欠銀行幾多咭數，我講咗大話，居然都得到喺當晚出鏡15秒！

第三次，哈哈，勁囉！登登登登！

‧

‧

‧

‧

睇唔睇到？呢呢呢，比個港台LOGO遮住咗嗰個咪係我嚟囉。早知個港台LOGO咁大，我就將個頭移過少少啦...

話說當晚係2002年香港電影金像獎，鏡頭入面嘅阿Sa係憑《常在我心》角逐最佳新人獎，而我就係憑"喺電影工作方面冇做過任何嘢"混水摸魚咁坐咗喺場內。

.

完

L‧C

IQ題

謎面：美國國務卿
(猜我是日工作的狀況)

問完。

新的一John‧更精彩

為了響應08北京奧運來臨，以及新一屆立法會選舉在即，本人與OGAKE先生聯合舉辦「西歌鬥一餐」大賽。我們的使命是宣揚世界和平、推動環保意識、鼓勵人們小D用膠袋、支持香港電影拍攝工作、以及無聊等等‧‧‧

本節目會由八月五日起，逢星期二一連八輯於本網站及OGAKE網站聯合播出，歡迎各網友瀏覽及投票。

另外，現呼龥各位屬於本人鐵票的選民記得每周準時投票，以確保本人能於每一個回合的「西歌鬥一餐」順利勝出。

至於如果各位想重溫本人過去的網頁內容，請登入以下網址。